அம்மாவின் ஞாபங்கள்

[Thamillmadhan]

பள்ளி
விடுதி வாழ்கையின்
முதல் பொழுதில் ...
அம்மா கொடுத்தனுப்பிய
நொறுக்கு தீனிகள்
எல்லாம் முடிந்து
எஞ்சியிருந்த ...
ஒரு
கடைசி முறுக்கையும்
சாப்பிட மனமில்லாமல்
மனது தொலைகிறது
பழைய நினைவுகளில் ...
கிழக்கு வாசலில்
புதைத்து வைக்க பட்டிருக்கும்
ஆட்டுக்கல்லில்
அம்மாவும், நானும்
சேர்ந்து
முருக்கிற்காக
மாவு ஆட்டியபோது,
அதில் நிறைந்திருந்தது
அம்மாவின் அன்பு.
முன் முற்றத்தில்
அடுப்பில் முறுக்கு
சுடும்போது
அம்மாவின் கை
பக்குவத்தில்
கலந்திருந்தது
தாய் பாசமும்
இப்படி
"அம்மாவின் நினைவுகளாய் "
மீதி இருக்கும்
கடைசி முறுக்கையும்
உண்ணாமல் பத்திரமாய்
பாதுகாக்க வேண்டும்
அடுத்த
விடுமுறை தொடங்கும் வரை...

[ஆதித்தன்]

நினைவு முறுக்கு அருமை அருமை..

பாராட்டுகள் மதன்

[thamilselvi]

முறுக்கு கொஞ்சம் பார்சல்....முறுக்கு சரி அது என்ன நினைவு முறுக்கு...புது பலகாரமோ?

[ஆதித்தன்]

முறுக்கு கொஞ்சம் பார்சல்....முறுக்கு சரி அது என்ன நினைவு முறுக்கு...புது பலகாரமோ?

அத எல்லாம் திங்க முடியாது... உணர மட்டுமே முடியும்.


அதான் கவிதை முறுக்கு

[thamilselvi]

புரிகிறது நினைவு முறுக்கோடு அம்மாவின் கை மணம் வந்து போகிறது நாசியில்....உங்கள் வார்த்தை விளையாட்டில்...முறுக்கலான பொய் கோபத்தோடு முறுக்கு பார்சல் அனுப்பாத தம்பிகள் எல்லோருக்கும் டூ விட்டாயிற்று

[ஆதித்தன்]

புரிகிறது நினைவு முறுக்கோடு அம்மாவின் கை மணம் வந்து போகிறது நாசியில்....உங்கள் வார்த்தை விளையாட்டில்...முறுக்கலான பொய் கோபத்தோடு முறுக்கு பார்சல் அனுப்பாத தம்பிகள் எல்லோருக்கும் டூ விட்டாயிற்று

திங்காத முறுக்கிற்காக டூ விடுங்க.. இல்லை சண்டையிடுங்க...

நாங்கல்லாம் எப்படி முறுக்கினாலும் பயப்பட மாட்டோமாக்க்கும்.. ஆமா

ஆனால், நாசி வரைக் கொண்டு வந்துச் சேர்த்த முறுக்கிற்கு மரியாதையாக காசைக் கொடுத்திடுங்க ... இல்லைன்னா.... இல்லைன்னா...

[umajana1950]

"அம்மாவின் நினைவுகளாய் "
மீதி இருக்கும்
கடைசி முறுக்கையும்
உண்ணாமல் பத்திரமாய்
பாதுகாக்க வேண்டும்
அடுத்த
விடுமுறை தொடங்கும் வரை...

அட்டகாசமான கவிதை......உணர்வுகளை பிரதிபலிக்கும் அருமையான வரிகள். வாழ்த்த வரிகள் தேடி வசமாக மாட்டிக் கொண்டேன். hats off.

[muthulakshmi123]

கவிதை அருமை.. வரிகளும் அருமை.. இனி முறுக்கு சாப்பிடும் போதெல்லாம் உங்களை நினைக்க செய்து விட்டீர்கள் வாழ்த்துக்கள்..