கண்ணின் மணியுமொரு வட்டம்
மாலைச் சந்திரனும் வட்டம் - நல்ல
மனித வாழ்வுமொரு வட்டம்
சோலைக் காற்றதுவும் வட்டம் - தினம்
சுழலும் உலகுமொரு வட்டம்
சாலை விளக்கதுவும் வட்டம் - சின்னத்
சிறுவர்களின் சிந்தனையும் வட்டம்.
தந்தை அடிப்பதுவும் அன்பு - தெய்வத்
தாயின் அணைப்பதுவும் அன்பு
சிந்தனை செப்புவதும் அன்பு - மழலைச்
சேயின் சிரிப்பதுவும் அன்பு
விந்தை மனமதுவும் அன்பு - மனிதர்
வாழ்வில் விரும்புவதும் அன்பு
பந்தைப் போன்றதுவே அன்பு - மனதில்
பட்டுத் திரும்பிவரும் அன்பு.
குயிலின் குரலதுவும் கீதம் - புல்லாங்
குழலின் காற்றதுவும் கீதம்
மயிலின் அசைவுமொரு கீதம் - சோலை
மலரில் வண்டுதரும் கீதம்.
பயிரின் பசுமையொரு கீதம் - நாம்
பயிலும் கல்வியொரு கீதம்.
உயிரின் நட்புமொரு கீதம் - அதை
உயிலாய் எழுதுவதும் கீதம்
