குதம்பை சித்தர் பாடல்கள்

[marmayogi]

மந்தி மனத்தை வயப்படுத் திட்டார்க்கு
வந்தெய்தும் முத்தியடி - குதம்பாய்
வந்தெய்தும் முத்தியடி.

[marmayogi]

வல்லமை யாகவே வாஞ்சை ஒழித்திட்டால்
நல்ல துறவாமடி குதம்பாய்
நல்ல துறவாமடி.

[marmayogi]

போதம் இதென்றுமெய்ப் போதநிலை காணல்
போதம தாகுமடி - குதம்பாய்
போதம தாகுமடி

அண்டத்தைக் கண்டதை ஆக்கினோன் உண்டென்று
கண்டது அறிவாமடி - குதம்பாய்
கண்டது அறிவாமடி.

[marmayogi]

நல்வினை தீவினை நாடிப் புரிந்தோர்பால்
செல்வன் நிச்சயமே - குதம்பாய்
செல்வன நிச்சயமே.

செய்தவம் செய்கொலை செய்தர்மம் தன்னொடும்
எய்த வருவனவே - குதம்பாய்
எய்த வருவனவே.


முத்தி அளித்திடு மூர்த்தியைப் போற்றிசெய
பத்தியும் பின்வருமே - குதம்பாய்
பத்தியும் பின்வருமே.