சர்க்கரைப் பொங்கல்

[cm nair]

தேவையான பொருட்கள்:
பச்சரிசி -1 கப்
பாசிப்பருப்பு -1/2 கப்
தண்ணீர் -4 கப்
வெல்லம் -21/2 கப்
ஏலக்காய்பொடி -1/2 தேக்கரண்டி
நெய் -3 தேக்கரண்டி
முந்திரி -10
திராட்சை -10
செய்முறை:
1.பச்சரிசி, பாசிப்பருப்பு இரண்டையும் அலம்பி 10 முதல் 15 நிமிடம் ஊற வைக்கவும்.
2. ஒரு குக்கரில் ஊற வைத்த அரிசி, பருப்பு, தண்ணீர் சேர்த்து குழைய வேக வைக்கவும்.
3. வெல்லத்தைச் சிறிது தண்ணீரில் போட்டு கொதிக்க வைத்து வடிகட்டி வைத்துக் கொள்ளவும்.
4. குக்கரைத் திறந்து அரிசி, பருப்பை நன்கு மசித்துக் கொண்டு, வடிகட்டி வைத்துள்ள வெல்லத் தண்ணீரை சேர்த்து சிறிய தீயில் வேக வைக்கவும்.
5. ஒன்று சேர்ந்து வெந்தவுடன் ஏலக்காய் பொடி போட்டுக் கிளறி, நெய்யில் முந்திரி, திராட்சையை வறுத்து பொங்கலில் சேர்த்து நன்கு கிளறி இறக்கவும்.
6. விருப்பமுள்ளவர்கள் தேங்காய்த் துருவலோ கீறிப் போட்டோ சேர்க்கலாம்.